Pagbati sa Kaarawan ni Inay

Birthday ngayon ng Mamang ko at ng isa kong ate. Hindi ako makapunta dahil andito pa ako sa Palau. Siguro sa oras na ito binabasa na ng panganay kong anak ang mensaheng nasa baba na para sa aking nanay.

Hello Mamang, Musta? Birthday mo na naman, ilang taon na rin na hindi ako nakakapunta sa birthday mo. Pero alam ko intindi mo na yun, dahil basta para sa mga anak, lahat gagawin ng kahit sinong magulang. Naalala ko pa nung mga bata pa kami, madaling araw pa lang nasa palengke ka na, nagbubukas ng tindahan para kumita at may panggastos tayo. Nasanay na nga kaming gigising sa umaga ng wala kayo.

Ngayon mga anak ko naman ang gumigising sa umaga ng wala ako sa tabi nila, ang mahirap pa, kada dalawang taon ko na lang sila, kayo nakikita. Ngayon ko narealize kung anong sakripisyo ang ginagawa nyo dati para sa aming magkakapatid para lang may kainin at makapag-aral. Alam mo yun, kahit halos gumapang ka na sa pagod at sobrang pagka-homesick, napapawi kapag iniisip mong ang ginagawa mo ay para sa mga mahal mo sa buhay. Ang sarap lang sa pakiramdam na kahit papaano may magandang resulta yung mga paghihirap natin, ung pagsasakripisyo mo para sa aming magkakapatid. Look at me now! Hehehe

Alam ko, Mang, marami akong pagkukulang sa inyo. Bihira lang tayo makapag-usap, makapag-usap man, ilang minutong kumustahan lang. Halos kalahati nga ng buhay ko, magkahiwalay tayo. Pero ganun pa man, Mang, wag mo sanang isipin na hindi ko kayo mahal. Mahal na mahal ko kayo, hindi lang talaga ako ung taong marunong magparamdam o magpakita ng pagmamahal sa tao, pero sa isip ko at sa puso, alam ko, ikaw ang nag-iisa kong mamang, ikaw ang una?t huling iintindi sa mga pagkakamali ko, ikaw yung yayakap sa akin sa panahong kailangan ko ng masasandalan. Ikaw lang yun, Mang.

Sabi ni Ate Bheng, ivideo ko raw sarili ko o kaya irecord ung message ko para sayo. Para namang hindi nila alam na mahiyain ako.Saka kapag nakavideo ako makikita mo pang naiyak ako habang binabati kita, birthday mo kaya! Kaya dapat masaya :)

Ayan, hanggang dito na lang. Lapit na rin naman bakasyon ko eh. Happy Birthday sayo, Mang! At kay Ate Mhet..Sana marami pang birthday ang dumaan sa inyo at sana isa sa mga birthday na yun ay magkakasama tayong lahat.

Ang tisoy nyong anak…ngayon hindi na :)

CM

ADVERTISEMENTS

Comments

  1. says

    Maligayang kaarawan sa iyong Ina at kapatid, kahit sa ganitong paraan ay naipahatid natin sa kanila ang nais nating sabihin. Ilang buwan na lang at magkakasama na rin kayo, at pwedeng magcelebrate hehehe.

    • LordCM says

      salamat pre, hindi man nila birthday sa araw ng bakasyon ko, sapat na ung makita ko sila at makasama uli :)

  2. animus says

    Hi LordCM!
    ang aking maligayang pagbati sa kaarawan ng iyong nanay at ate. ganyan na ganyan din ang aking sentimyento pag dumadating ang birthday ng aking ina at wala ako sa tabi niya. enewei, alam naman nila yun. mother knows best ika nga. :-)

    • LordCM says

      sabagay…pero iba pa rin pre ung andun tayo sa mga mahalagang araw ng mga mahal natin sa buhay…salamat sa pagdaan pre :)

Leave a Reply

Your email address will not be published. Required fields are marked *