ADVERTISEMENTS

Tambayan Contest $50

Maniniwala ba kayo kung sasabihin kong dalawa ang Sponsor ngayon ng Tambayan? Opo, dalawa…Tig $25 lang naman sila at gaya ng dati, ayaw magpakilala. 

Kaya ngayon tumataginting na $50 ang papremyo sa Tambayan!

At kung paano makasali, ganito lang;

1. Dapat registered ka sa Tambayan.

2. Gumawa ng isang blog post tungkol sa Tambayan na hindi bababa sa 100 words. Article, poem, kwento o kahit ung mismong karanasan nyo sa Tambayan ang ikuwento nyo ay pasok pa rin…

3. Bisitahin ang Tambayan at dumiretso sa General Discussion, mag Post ng New Topic na may titulong “Tambayan – (title ng inyong post)” at ipost ang inyong ginawang blog article/post.

4. Ito ay kailangang maaprubahan ng Admin/Modz, at malalaman nyo lang na aprubado ang inyong blog post kung ito ay ginawang Sticky Topic ng Admin/Modz.

5. Maghakot ng mga may kwentang kumento mula sa inyong mga kaibigan blogger(syempre kailangan nilang magregister) at simulang pagdiskusyunan ang inyong blog post.

6. Maaari rin ninyong i-advertise ito sa inyong pahina upang makahikayat ng mga magkukumento sa inyong entry sa Tambayan.

7. May ilang linggo kayo para maghakot ng kumento o replies, dahil tatagal ang contest na ito hanggang June 5, 8PM(Manila Time).

8. Pag dumating ang itinakdang oras, kung kaninong thread/post ang may pinakamaraming kumento o replies ay syang mananalo.

9. Tulad ng naunang pa-contest, Western Union lang po ang paraan namin para mapadala ang premyo. Sa mga nasa ibang bansa, kailangan nyo pong magbigay ng representative na tatanggap ng pera kung papalarin kayong manalo.

10. Hindi po kailangang maipost ang inyong entry sa inyong pahina, nasa sa inyo po yan…ang mahalaga ay makagawa kayo ng thread sa Tambayan at naruon ang blog post nyo…at kung sakali man na ipost nyo ito sa inyong pahina, hindi po counted ang comments dun, ung comments lang po sa Tambayan ang bibilangin namin…

Karapatan ng Admin/Modz na hindi aprubahan ang isang blog post kung ito ay hindi kaaya-aya sa mga mambabasa.

Karapatan din nilang mag-delete ng mga kumento o reply na walang kwenta gaya ng puro smiley, mga kumentong ni hindi man lang umabot sa limang salita o words. o mga kumentong masabi lang na nagreply.

At marami pa silang karapatan, diba? hehehe … Mag akto lang tayong isang taong may pinag-aralan, sa bawat paggamit ng Tambayan, ituring mong ika’y nasa bahay lamang. Respeto sa mga nakapaligid, ayos na yun.

Ayan! Ano pa hinihintay mo? Gawa na ng blog post at ipost sa Tambayan!

At tulad ng dati….MARAMING SALAMAT SA SPONSOR!

ADVERTISEMENTS