Bagong Bayani : Nagpapapansin!!!

Sa kagustuhang gumanda ang buhay sampu ng kanyang kapamilya, napipilitang mangibang bansa ang ilan sa ating mga Pinoy… Nangarap na sumahod ng mas malake kaysa sa kakarampot na kinikita sa Pilipinas… Sila na ang tanging hangad lamang ay mabigyan ng magandang kinabukasan ang kanilang mga mahal sa buhay na naiwan sa Pilipinas…
Ngunit tulad ng sugal, hindi lahat sinusuwerte. May ilan na minamalas, umuuwi sa bansang luhaan, at ni isang kusing ay walang naipundar. Ang ilan nama’y nanatili sa dayuhang bansa, nagtitiis sa pagmamaltrato ng kanilang amo, naghihintay at umaasang makakatanggap pa ng sahod. Pero sabi nga nila, wala pa sa kalingkingan ang kamalasan na yan kung  ikaw ay uuwi ng Pilipinas na isa nang malamig na bangkay…
Kamakailan lamang, ilan sa ating mga kababayan ang pinalipat mula sa Ilalim ng Tulay ng Jeddah, Saudi Arabia patungo sa Konsulada ng Pilipinas. Sila yung mga tumakas sa kani-kanilang amo dahil pinagmalupitan sila o kaya nama’y hindi pinapasahod ng mahigit ng anim na buwan. Tumira sila sa ilalim ng tulay sa pagbabakasakaling makakuha ng amnesty at matulungan ng Konsulada ng Pilipinas para makauwi sa sariling bayan.
At ngayon nga ay nananatili sila sa tabi ng Konsulada ng Pilipinas sa Jeddah, at muling naghihintay sa tulong na manggagaling sa ating Gobyerno.

Mahigit sa dalawang daan katao ang nakatira ngayon sa
tabi ng Konsulada ng Pilipinas

Lalake, babae, kasama na rin ang mga bata
na nagtitiis sa ilalim ng init ng araw
at lamig sa gabi…

…at may magandang tanawin tulad ng nasa kanilang harapan…
aminin natin, hindi lahat sa atin sinuwerteng makakita
at manirahan sa tabi ng KONSULADA NG PILIPINAS
kung saan nag oopisina ang mga nakikinabang
sa padala ng mga tinatawag nilang Bagong Bayani
na ngayon ay nagtitiis sa maliit na Tent

…okey lang, maganda naman ang kulay ng tent, Blue…

Sa tulong ng RMN News DZXL, Bantay OFW Program ni USEC Susan Ople, at sa pakikipag ugnayan ni Kenji kasama ang KaBlogs at PEBA, sinusubukan nilang magawan at makakalap ng tulong mula sa ating Gobyerno kung paano mapapauwi ng Pilipinas ang ating mga kababayan. Ngunit mukhang malabong mangyari na dumating ang tulong dahil ayon kay Kenji;

“Kanina sa programa ng RMN Bantay OFW, sabi ni ASec Malaya ng DFA, nagpapansin daw ung mga kababayan natin na OFW sa ilalim ng tulay. Sagot ko, sorry po Sir, hindi po sila nagpapapansin, mga desperado na po itong mga kababayan natin.

Apat na beses na akong lumabas ng bansang Pilipinas, tatlo dyan ay kinailangan kong magbayad ng mahigit dalawang libong piso upang makalabas ng Bansa upang magtrabaho muli para sa pamilya. Mahigit sa sampung milyon ang OFW, kung magbabayad ang bawat isa ng mahigit sa dalawang libong piso kada alis nila ng bansa, gaano kalake ang makokolekta ng Gobyerno ng Pilipinas? Di ko alam, Computer Science Graduate ako eh…

Ang point ko, nagbabayad ang bawat OFW bago umalis ng bansang Pinas, anong gamit nito? Saan ito napupunta? Ilang taon nang isyu ang mga OFWng nakatira sa ilalim ng tulay,? ilang OFW na rin ang stranded sa iba’t ibang bansa sa kadahilanang walang tulong na nanggagaling sa ating sariling bansa?, ilang OFW na rin ba ang namatay dahil sa pambubugbog ng kanilang amo at hindi man lang nabigyan ng hustisya? Mayroon mang tulong, aabutin ng ilang buwan bago mo makamtan.

Hindi naman nagmakaawa ang Gobyerno natin sa mga OFW para magbayad kada alis ng bansa diba?, bakit ngayon nagmamakaawa na ang mga kababayan natin ay pahirapan pa rin nilang makamit ung kapalit o benepisyo ng ibinabayad nila kada alis ng bansa?

At pagkatapos makakarinig ka pa ng mga salitang tulad ng “Nagpapapansin” sa kabila ng paghihirap ng ating mga kababayan…Kung sa salita pa lamang, hindi na maganda ang mga terminong ginagamit, ano pa kaya sa gawa?

Sila ba ang tinatawag nyong Bagong Bayani? Yung mga nagbabayad sa Gobyerno para makalabas ng bansa,yung mga nagpapadala ng pera buwan-buwan sa kanilang pamilya, sila na kung saan pinagkukunan nyo ng ipangsusweldo sa mga nakaposisyon, sila na dahilan kung bakit kahit papaano’y nakakapagpaangat ng ekonomiya ng bansa…

Oo yata, Sila yung tinutukoy nyong Bagong Bayani, mga “nagpapapansin”…na pagkatapos pakinabangan, iiwan na lang sa ere…

Ang mga imahe ay galing sa PEBA Fan Page

ADVERTISEMENTS

Comments

  1. bhing says

    base 3x!

    magnda na maypictures na para alam tlga nila ang realidad. im tune in na sa radyo. aabangan ko angsasabihin nila Usec. Toots Ople.

    Hope maging maayos na rin kalagayan nila at maibigay iyong hinihingi nila sa embassy.

  2. siyetehan says

    nakapagtataka.

    paanong umabot ng 200 katao na walang nagawang aksiyon para sa kanila?

    mas malaki ang bilang, mas malaki ang problema; mas mahirap gawan ng solusyon.

  3. iya_khin says

    haay naku,tagal ko ng dinanas yan,except lang sa tumira sa tent (desert camping malamang)buti nalang medyo umaayos na lagay ko dito,kaya tagal ko din di nakadalaw at nakapagsulat.
    marami dito sa kabayan natin nakakulong,kasama na yung mga dating kaopisina ko…kawawa naman sila..di ka ba naman pasahurin ng 6 na buwan,ni pangkain at pambayad sa bahay wala ka sa banko pa kaya…haayyy…kakalungkot talaga.

  4. uno says

    alm nyo po ang probleam ng gobyerno ntin ay kulang na kulng sa pagsususbay bay sa ating mga kapwa ofw…

    sana ang pamahalaan natin ay suriin at dapat laging may check up ang lahat ng agency sa pinas…

    ksalanan din yan ng mga putang inang agency sa pinas na yan gusto lang nilang kumita sa mga kapwa kababyan nila… after nun wal n sila pakialam sa mga pinapadala nila

  5. Bino says

    ang masasabi ko lang, nagkamali ng binotong pinuno ang karamihan sa mga kababayan dahil walang malasakit sa ofws ang kasalukuyang nakaupo

  6. ISTAMBAY says

    Ayaw kong humusga sa gobyerno kung may ginagawa ba sila o wala.. pero ung mabasa kong "nagpapansin" lang ang OFW sa ilalim ng tulay… sira ulo ang nagsabi nyan… hindi gagawin ng isang pilipino ang magpapansin kung walang nangyayaring problema..

    sa picture, ang yabang ng pagkakawagayway ng ating bandila, ang tayog ng building ng embahada, at sa gilid nagsiksikan ang ating kababayan.

    napakagadang tanawin para sa mata ng mapangapi.. nakakaawang tanawin para sa ating kababayan.. at nakakabwiset na tanawin para sa mga empleydao ng embahadang iyan.. mabuti at may himibing pa sila kung matulog…

    salamat dito parekoy. eye opener para sa bulag na sistema..

  7. Kamila says

    Potekk.. Nagpapapansin? SIno ang nagpapapansin? Titiisin ang lamig ng gabi? At init ng umaga?? Yung mga tao nga sa loob ng bahay lamig na lamig na kahit may makapal na kumot eh.. tumira pa se tent? Shet.

    Ang pilipinas ayukong isuko.. pero paano na lang kung ganito na..? Parang ang mga tao ang isinusuko…!

    Instant badtrip.

  8. passing by (",) says

    Its so sad….

    Gobyerno kasi natin walang kwenta eh….

    Kawawa naman ang mag kababayan natin….na nastranded jan sa KSA..

    Sana bilisan ng gobyerno natin ang pag aksyon nila. Kasi mahirap manirahan sa tent lang, lalo na sa deserto. Sa umaga napakainit at sa gabi naman napakalamig.

    Dito sa UAE ang pag kakaalam ko nag hihigpit na sila na makapasok dito sa dahilang marami rin sa mga kapwa pinoy natin ang nasa embassy. Na hanggang ngaun ay naninirahan parin sa embassy, sa pag kakaalam ko ang magnda lang dito sa UAE ay binibigyan ng embassy natin ang mga kapwa pinoy natin ng part time, para alng my pambili ng mga pagkain nila, pero kung ako ang tatanungin mas masarap parin na makauwi nalang sila sa pinas.

    Nakakalungkot talaga ang gobyerno natin, sana kung my mas unahin silang actionan, sana unahin nila nag mga ofw…na minsan ay nakatulong sa knila, at kumita sila…

    btw nice post….

  9. MiDniGHt DriVer says

    nakakalungkot makita na ang mga taong iniwan ang kanilang mga mahal sa buhay para lamang kumita ng kakarampot na halaga at mabuhay ang kanilang pamilya ay dumaranas ng ganitong pangyayari.

    Magandang panimula ito CM dahil kahit papaano ay namulat ang ating mga kababayan sa hirap ng dinaranas ng mga OFW lalo na sa gantong sitwasyon.

    Sana ay matulungan na sila sa mabilisang paraan.

  10. Kosa says

    nakakalungkot isipin!

    dapat kase, ang mga umuupo sa mga posisyon na may kaugnayan sa mga OFW ay isang OFW din.. ang ibig kong sabihin ay may karanasan sapagigng OFW.

    andaming ahensya na pwedeng tmulong.. limpak limpak ang budget.. tapos walang maibigay na tulong!?
    nasaan ang owwa? dfa? embahada sa ksa?

    haaays:(

  11. Kosa says

    alam ko si Manny Villar, madalas tumulong nun sa mga OFW.. Baka naman sya ang may pusong kayang tumulong sa mga ofw…

  12. Dylan says

    Hopefully all will be well at the end kasi kawawa yung mga OFW natin na nakatira sa tent.

    Just followed your blog CM. Cheers!

  13. Ishmael Fischer Ahab says

    Napanood ko last year yang issue ng mga Pinoy sa ilalim ng tulay. Meron pa ngang nagpa-interview sa TV eh.

    Yun nga lang, mukhang napaka-manhid ng DFA at ayaw silang pansinin.

    Dahil sa dedma mode ng DFA, kasalanan ba nila kung magpapansin? Sheesh!

  14. Amorgatory says

    sa totoo lang nakakarelate akow dito dahil sa madami din akong kaibgan naging ofw, nakakainis lang talaga, kasi dami ngang binabayaran before makaalis at kung anu ano pa, pero if andun kana pala, napupunta din pala sa wala. hay sana may kunsensya naman ang mga tao sa gobyernow natin dapat cguro mawawalan nalang sila ng mata lahat para atleast may silbi ung pagging bulag bulagan nila.

  15. Ka-Swak says

    masakit makita ang mga kababayan na ganyan ang kalagayan. ung iba kasi sila rin mismo gumagawa na mali at kailangang ideport. ung iba naman kahit nasa tama ginagawan ng mali.

    sana magtulong tulong ang lahat para mapauwi na sila.

  16. avatarlady says

    That's thoughtful of you to have written such for our modern day "still unsung" heroes. My mother is working abroad and I fear the day when she'd be one of the oppressed who come home empty-handed but fully-battered by the twisted employers.

Trackbacks

Leave a Reply

Your email address will not be published. Required fields are marked *