Naalala ko lang…

Naalala ko lang, bata pa ako nuon nung nakikipaglaro kami ng kuya ko…Kung sino kalaro ko, kalaro din ng kuya ko, di naman kasi kami nagkakalayo ng edad. Eh nung minsan napaaway kuya ko, malake ung kaaway nya kaya di na ako tumulong baka kasi pati ako mabugbog, ayun pag uwi ng bahay may kaunting pasa…

“Ano nangyari sa kuya mo?”, si mamang galit

“Nakipag away sa kalaro namin”

“Di mo man lang tinulungan?”

Di na ako sumagot, di ko naman talaga natulungan kuya ko, naunahan ako ng kaba eh. Ok lang naman sa kuya ko yun, patuloy pa rin kaming nakikipaglaro sa mga barkada namin, kalimitan football ang laro namin, dumadayo pa nga kami sa kabilang kanto para lang maghamon ng football…

Naalala ko lang, sabay pa kami ni Kuya nagpatuli nuon. Grade 6 sya ako naman grade 2. Hindi kami pwedeng lumabas nun dahil nga nagpapagaling, baka kasi mamaya mangamatis o maimpeksyon pa, mawala pa si pututoy!, Laro lang kami ng Atari sa bahay nun, RiverRaid pa nga ung nilalaro namin saka Enduro…

Nung gumaling na ung tuli namin, sobrang excited makalabas nanghiram pa kami ng bike. Si kuya ang driver, ako sa likod nakaangkas. Excited nga eh, ambilis namin, todo pedal si Kuya, pagdating sa kanto sabay liko. Merong nakaparadang pulang kotse, hindi na kayang magpreno ni kuya kaya ang ginawa na lang namin sabay na sumigaw, Ayun!talsik kami sa harapang salamin ng sasakyan, buti na lang konti lang gasgas nung sasakyan.

Kaso ung bike, sira. Nabangga na nga kami, gastos pa. Eh nalaman ni dadang, paktay! si Kuya ang pinagalitan, pinadapa at pinalo ng sinturon, ako? nakikinig lang ng iyak ni kuya, medyo nangingilid ang luha at kinakabahan. Pero ok lang kay kuya yun, laro pa rin kami…

Naalala ko lang, kolehiyo sa Baguio. Di ko na kasama kuya ko nung nagkolehiyo ako, pero nung sumunod na sem, gulat na lang ako at sumunod kuya ko para daw mag aral din sa Baguio. Malamig sa Baguio kaya madalas ang inom namin, pampainit lang at pampatulog.

Nung minsan sumabay ng inuman si Kuya sa amin, sindi akong yosi. Gulat sya at nagyoyosi ako kaya kahit di marunong kuha din syang yosi nya sabay sindi. Ubo!Ubo! Hehehe di nga kasi marunong, naiinggit lang at gusto makipagsabayan…

Ang dami ko pang naaalala sa pinagsamahan namin ng kuya ko, kahit di kami ganun ka-close, alam ko di ako iiwan nun kung sakali mang magkaproblema ako.

Kaso sadya yatang ganun ang buhay, ang bata nya pa para kunin ng nasa taas…Ilang taon na rin ang nakalipas mula nung mawala si kuya at kunin ni Bro. Pero hanggang ngayon di ko pa rin malimutan ang mga kalokohan at pinagsamahan namin nung buhay pa sya.

Kaarawan ni kuya ngayon, sayang nga lang at wala na sya.

Minsan iniisip ko, kung di kaya pumanaw si Kuya may magbabago kaya sa buhay na meron ako ngayon?

Maligayang kaarawan sayo, Kuya…Ikaw pa rin ang nag iisang kuya ko…

ADVERTISEMENTS

Comments

  1. ladyinadvance says

    awww thats sad kac maagang kinuha si kuya mo pero masaya nya xa kasama ni Papa J, doon walang suntukan at lagi xang happy and lagi naman xa kasama mo ei….anjan lang xa lagi sa tabi mo.. :D

    Happy birthday kuya…Regards mo ko kaya Papa J ah.. :D

  2. Ishmael Fischer Ahab says

    This is sad.

    Mahirap talaga pag nawawala yung mga taong malapit sa atin.

    Happy birthday po sa kuya mo.

  3. Lord CM says

    @shiena…
    bkit?wala ka bang kuya o kapatid na lalake?

    Salamat sa pagdaan :)

    @Lady…
    sigurado yun nasa tabi ko lang sya, nagbabantay :)

    @ishmael…
    mahirap sa umpisa, pero pag natanggap mo madali na..yun nga lang lage mo syang maaalala lalo't may mga bagay na pinagsamahan nyo

  4. MarcoPaolo says

    may kapatid akong lalaki dalawa matatanda sa akin kaso lang di kami close kaya naiinggit ako pag may dalawang mag utol na close. tsk!

  5. KESO says

    awww. nasad ako bgla. happy birthday kay kuya mo! namiss ko bgla ung kuya ko, malapit na din bday nya…

  6. animus says

    kakalungkot naman ito. :-(

    pero na-touched ako sa inyong pagmamahalan ng iyong kuya. i'm sure binabantayan ka niya.

    tuwang-tuwa siya kasi alam naman niyang lagi mo siyang naaalala (hindi lang tuwing birthday niya),

    oo nga pala, alam din niya na siya pa rin ang nag-iisang kuya mo sa puso mo. nakikita niya ito :-)

    feeling close ako kay Kuya mo noh? hehe….me pahabol pa, para bang sinasabi niya sa akin na proud na proud siya sa iyo at mahal na mahal ka niya! :-)

  7. ?superjaid? says

    aww..wag ka ng masad kuya cm..i know masaya ang kuya mo ngayon kasi successful ka na..^_^

    happy birthday kay kuya ni kuya cm.^_^

  8. shiena dale says

    wala 'kong kuya pero may kapatid akong lalake, mas bata sa aking ng 9 years. Minsan naiisip ko ginawa ata 'yun bro ko para araw-araw na may magpakulo ng dugo ko…kulit to the highest level, hindi ko alam kung san nanggagaling energy nya. Pero dahil sa post mo, narealized ko din na i should be thankful for my bro. :)

  9. Renz says

    aw ang sad naman..

    ako gusto ko din magkaroon ng kuya kasi wala akong kuya ehh..

    by the way happy birthday kay kuya

  10. Francesca says

    makakasama mo siya, sa "bagong buhay" ng resurrection, that is kung naniniwala ka sa salita na nasa bibliya(rev 21:3,4).
    Masaya tiyak yun kasi mayayakap mo sya, makasama ulit sa bike, no bangga, kasi nga bagong buhay na yun, no pain na kasi.Then sama kayo langoy sa dagat, kain with your family.Dami nyo magagawa, kasi eternal life na yun.Dyan mabasa ang pangako ng Diyos sa mga namatay.

  11. modernonglapis says

    happy birthday po sa inyong kuya!
    panigurado nabasa niya din ito.

    hmm.. bigla ko naalala kuya ko.
    matawagan nga.hehe :)

  12. fiel-kun says

    I bet, nasan man siya ngayon, lagi syang nakabantay at nakaagapay sa iyo parekoy.

    Happy Birthday kay "kuya" mo ^_^

  13. RJ says

    Natutuwa ako sa simula, then sa huli bigla akong nalungkot! Naniniwala ako sa sinabi ni Francesca.

    Sigurado akong masaya ang kuya mo sa narating mo ngayon, Lord CM.

  14. gege says

    nilamig ako! nung binabasa ko yung huling part.

    sigh… ako wala akong kuya, panganay ako eee. hindi ko alam kung anung feeling ng merong Kuya o Ate.

    pero alam kong ang kuya ni Lord CM ay proud big brother!

    ^ – ^

  15. glentot says

    Aww nakakatouch naman… AKo kasi hindi nagkaroon ng kapatid… at least nagkaroon ka ng Kuya kahit sa panandaliang panahon…

Leave a Reply

Your email address will not be published. Required fields are marked *